بقالى 4 ايام عايز انزل بوست جديد .. ومش عارف
ومش عارف ليه انا مش عارف انزل البوست الجديد
الفكرة بتاعته متبلورة فى دماغى تقريبا من اسبوع .. لغاية ما جت اللحظة
ومش عارف ليه انا مش عارف انزل البوست الجديد
الفكرة بتاعته متبلورة فى دماغى تقريبا من اسبوع .. لغاية ما جت اللحظة
اهى الحمد لله انى اكتب البوست ده وانزله
كلنا شفنا اللى حصل لمصور قناة الاقصى وهو بيغطى توغل القوات الاسرائيلية المحتله
كلنا شفنا اللى حصل لمصور قناة الاقصى وهو بيغطى توغل القوات الاسرائيلية المحتله
لمنطقة البريج وسط غزة
واللى مشافش .. يدخل هنا اهوه ويشوف
وده اللى كنت عايز اتكلم عنه
واللى مشافش .. يدخل هنا اهوه ويشوف
وده اللى كنت عايز اتكلم عنه
صرخ محمد صبحى فى مسرحية سكة السلامة بيتكلم عن السلام وبيقول
" احنا مش عايزينه .. احنا اللى قدمناه .. احنا اللى بدأنا .. خدنا من وراه ايه "
وبعد كده جت فى بالى صورة الشهداء .. اى شهيد
سواء شهيد مصرى على الحدود .. او شهيد فلسطينى
فتحاوى كان او حمساوى
وتيجى برضة فى دماغى كلمة محمد صبحى فى نفس المسرحية بيقول
" ملعون ابو ده اتفاق لو اللى ماتوا دووول كان السبب "
ها يا مسلمين .. نحط ايدينا فى ايدهم بالسلام
نحط ايدينا فى ايد مين
اليهود هم اليهود .. قتلوا الانبياء ونقضوا العهود
ده اللى كانوا بيربونى عليه وانا صغير .. هتتغير التربية دى دلوقتى
تطبيع وسلام .. على اى اساس
انا مش عارف مغرم ليه بمسرحية سكة السلامة .. لكن قال فيها برضة محمد صبحى
تخيل انك قاعد فى شقه انت ومرتاك وعيالك .. وجه واحد بلطجى طلعلك
ضربك واعتدى على مراتك وقتل فى نص ولادك .. وطردك من الشقه وشردكم
وبعد كام سنة كده .. سنين فاتت
جه صاحب العمارة حب يجمعكم مع بعض عشان يشيل العداوة بينكم .. قعدكم وصالحكم
كانت النتيجة .. انه قعدك فى اوضه من الشقة بتاعتك
وهو برطع فى بقية الشقة
ومطلوب منك تطلع تقوله صباح الخير وتقوله مساء الخير
ومجبر تاكل معاه وياكل معاك
ومجبر يعتدى على مراتك ويقتل فى ولادك ويضربهم
يبقى فين كرامتك بقى
انا مش هعلق اكتر من كده .. حماس بتقول لا اعتراف بشرعية اسرائيل
والعالم كله بيحاربها .. عشان هى حكومة مسلمة وبتقول لأ
وفتح مش مادة ايديها بس .. دى ماده كل حاجة بكل التنازلات
ومش مستعده ان ولادها يموتوا وبس .. دى مستعده لكل حاجة
يا ترى مين فيهم اللى غلطان .. انا عارف الاجابة .. بس عايز اعرفها منكم انتوا
27 comments:
كالعادة حاجة جامدة جدا
فعلا مشكلة الموضوع دة ان الواحد بيحس ان المفروض العكس هو اللى يحصل
بمعنى ان الفلسطينى المفروض هو اللى يطرد الاسرئيلى وليس العكس
لنا الله
Manas
فعلا هما بيدو للعرب سكة السلامة للموت
ضربك واعتدى على مراتك وقتل فى نص ولادك .. وطردك من الشقه وشردكم
وبعد كام سنة كده .. سنين فاتت
جه صاحب العمارة حب يجمعكم مع بعض عشان يشيل العداوة بينكم .. قعدكم وصالحكم
كانت النتيجة .. انه قعدك فى اوضه من الشقة بتاعتك
وهو برطع فى بقية الشقة
ومطلوب منك تطلع تقوله صباح الخير !!!
--------
وهل بعد هذا كلام
انت لخصت الوضع
فأي عار بعد ذلك
!!!
تحياتي
اكيد الغلط فينا
م فى حد تانى
لو كلنا بنصلى الفجر .. لو كلنا بندعوا لهم .. لو كلنا بننشر القضية
اكيد مش هنواجهه الحجات دى
جزاك الله خير
بوست ع الجرح
بس زي ما بيقول محمد .. للأسف احنا الغلطانين .. دورنا دلوقتي .. عملنا حاجة؟
جزاك الله خيرا
مفيش حد غلطان
الفكرة اننا نحل الأزمة مش نقول مين الغلطان
لو كان رؤساء العرب دول بيفهموا او عندهم جزء صغير جدا من النباهه كانوا ادركوا ان الكلام ده كله كلام الليل....
و نص رؤساء العرب حاليا خاضوا حروب مع الاسرائليين قبل كده بس هنقول ايه بقى عمر الغبى ماهيفهم و عمر الحمار ما بيتعلم من غير ضرب....
و سبحان الله برده تحسوا فيهم بالعته, ده التاريخ بيعيد نفسه بالحرف الواحد و بكل خطوه,بس بدل انجلترا بقت امريكا...
ده احنا لو جبنا حد فى اعدادى و حكمناه على موقف المصالحه ده هيقول الاهبل اللى يوافق عليها...
لا اجد سوى هذه الابيات اكتب بها تعليقي لك
نطق الحجر قال يا بشر يا مسلميين ... مين فييكو يسمع صرختي من فوق جنين ... مين فيكوا خالد او عمر واحمد ياسين .... والقدس تنده على الرجال فين الحبايب
....
اخوك / غاوي حرية
يا ريت تنور مدونتي http://gawyhorya.blogspot.com/
سلامووووووز
ربنا يكرمك يا مانص يا حبيبى
وامن شاء الله قريبا نخرج اليهود من ارضنا .. ونصلى سوا وجمب بعض فى المسجد الاقصى
ويمكن يا سيف .. يلاقوا علىايدينا سكة سلامة للنجاه
وتحرير الاقصى وفلسطين ان شاء الله
صاحب البوابة .. فعلا ده هو العار بذاته
ولن نقبل بيه ان شاء الله
مش عارف بصراحة
اخبار فلسطين بجد بتحسسني بالحزن
بحس باكتاب بجد :(
مش عارف ها نفضل لحد امتى نايمين
مش عارف امتى ها نصحى
مش عارف امتى انا ها اصحى :(
اذكر نفسي و اياكم
" ان الله لا يغير ما بقوم حتى يغيروا ما بانفسهم "
فعلا يا محمد
احنا علينا عبأ كبير من المسئوليه
وعلينا واجب اكبر لازم نقوم بيه
جزاكم الله خيرا اختنا نور على التعليق والمرور
حفيد محمد .. لا احنا غلطانين اننا تهاونا فى حقنا من البداية
وبنتنازل عنه دلوقتى تانى ولا ايه ؟
اختنا مللت الصمت .. عندك حق قى الكلام اللى قلتيه .. بس بلاش غلط فى حد
علمنا الاسلام ومن بعده الامام البنا
اننا ان اتكلمنا عن اى حد لا نجرح فى اشخاص او هيئات .. ننقض بدون شتيمه
غاوى حرية .. مدونتك جميلة .. ربنا يباركلك فيها
والبتين جمال جدا .. ربنا ينفعنا كلنا بيهم
حبيبى my24434
كلنا بتتعبنا اخبار فلسطين .. وكلمتك جت على الجرح
يلا احنا لازم نتحرك .. عشان نوصل للى احنا عايزينه
هو انا مش لاقى تعليق غير
طوبى للمقاومة
وطوبة للتطبيع وللصمت العربى
بس عايز أقول ان مشكلة العرب والمسلمين دايما فى الخيانة لولاها ما كان حالنا كده
فعلا صبحى بيتكلم صح !!
يارب نصرك
دايما التدوينات بتاعة حضرتك بتيجى تعملى شعللة...
بحس فى كلام حضرتك بحقيقة واقعية ..ممكن تكون مؤلمة فعلا ..لكن بتدينى حماسة
فى الأول كنت بضايق اكتر من الوضع المحزن اللى احنا فيه ...لكن بعد كده بقيت احاول اعمل حاجات مفيدة اكتر من الضيق عشان نغير الوضع بايدينا
بورك قلمك اخى
اهمم حاجة ان اليقين فى النصر يكون قوى
دايما اخويا بيقولى ادعى ..اللهم ثبتنى على قوة اليقين
اخى فى الله عمر
مشروع البطل اللى انت بتحلم بيه هو اللى هيرجعلنا الاقصى اللى نحلم بيها
خيانة العرب فعلا شىء صعب .. والاصعب حالنا فى مواجهتها
اختى فى الله كاااااااااات
صبحى بيقول الواقع وبيعرض الواقع للاسف .. وللاسف برضة احنا مش عايزين نصدقه
اختى فى الله بحب الحق
الموضوع مش موضوع وضع مؤلم او وضع محزت .. لكن الموضوع بيتلخص اننا لازم نعرضه عشان نوصل للحل
والدعاء احد هذة الوسائل اللى بيها ان شاء الله هننتصر
جزاكم الله خيرا على كلامكم .. ويا رب يكون قلمى كده دائما نافع للاسلام والمسلمين
حسبناالله ونعم الوكيل
طبعا في حكامنا قبل غيرهم
وحسبنا الله في الكلب ( مش من عادتي اشتم والله )اللي اسمه دحلان .. ربنا ينتقم منه شر انتقام ويكون عبرة لمن يعتبر من باقي الخونة المعتدلين ( ده طبعا رأي اولمرت اللي قاله امبارح وهو بيفرج عن الاسرى الفتحاويين ) حسبنا ونعم الوكيل في هؤلاء الشرذمة .. بس كفاية .. استغفر الله العظيم
و الله انا مش عارف ارد اقول ايه
بس انا مع كلام محمد ( كش ملك )
اكيد الغلط مننا
ز فعلا احنا مش هانعد نقول الغلط فين لازم يكون فى حاجة تتعمل
و البيات ديه عجبانى
نطق الحجر قال يا بشر يا مسلميين ... مين فييكو يسمع صرختي من فوق جنين ... مين فيكوا خالد او عمر واحمد ياسين .... والقدس تنده على الرجال فين الحبايب
مش عارف والله يا اسلام اقولك ايه
عندك حق
لا مش انت اللى عندك حق
ده صبحى هو اللى عنده حق
بس يا ترى احنا هنفضل لغاية امتى كده مطاطين
ويا ترى فعلا المقوله اللى بتوقل عشان نعلى ونعلى ونعلى لازم نطاطى نطاطى نطاطى دى صح
حسبنا الله و نعم الوكيل
ربنا ينتقم من الظلمة
اشمعنا مصور البي بي سي
اللي عملوله حكاية
الكيل بمكيالين
هو بغبااوته
حسبى الله ونعم الوكيل
فما لنا غير الله
ان الله لا يغير ما بقوما حتى يغيرو ما بانفسهم
فاللهم وحد شمل الامة الاسلامية
حبيبى abdo al 7amad
فعلا والله حسبناالله ونعم الوكيل .. فى الخونة والظالمين
سياف حبيبى .. ربنا يعز بيك الاسلام والمسلمين ونصلى انا وانت جنب بعض فى المسجد الاقصى ان شاء الله
اخويا حبيبى .. لأ مش هنطاطى .. ومش هتنازل عن اى حاجة عشان نعلى
هنعلى وهنعلى ان شاء الله بدون التنازل عن اى شىء
احويا علاء
تسلم يا حبيبى على المرور والاضافه .. وهى دى الكوسة والاضطهاد اللى احنا بنقابله كمسلمين .. امال هيحاربوا الاسلام ازاى ؟
اخى فى الله moslem_fm
هنقول حسبى الله ونعم الوكيل وهنغير ما بنفسنا .. عشان ربنا يكرمكنا ونرد للاسلام مجده وعزته
اللهم آمين
أخى الحبيب بن توفيق
طبعا معاك فى كل الى انت قلته
بس تخيل معايا ان الأغرب
ان كنت قاعد مع مجموعة من الاشخاص وطلعت واحدة منهم وقالت ان لما بروح شارم ليا أصدقاء إسرائيلين بنقعد وبنكلم مع بعض وهم الإسرائيليين دول فى حركة السلام الآن وعادى جدا
رحت انا بكل سذاجة قتلتها بتقعدى مع مين إسرائيلينن
راح واحد جنبها مديرلى وقالى وتعلو على وجهه نظرة إستغراب شديدة هو انت ترفض تقعد مع إسرائيليين
نرد عليهم ونقولهم ايه
بصراحة انت رديت عليهم
وفيه مدونة تانية اتكلمت فى نفس الموضوع وكنت حكيتله فعمل بوست
اسمه ابن ناصر ابقى خش وشف كده
الحمد لله انك بتذكر الى نسى
جزاكم الله خيرا
السلام عليكم
قعلا الوضع دلوقتى بقى يدمى القلب والعين
وكل مانتفرج وتعد نعيط شويه ونتأثر جدا بالحاجات اللى بتحصل فى فلسطين والعراق
ةالله ساعات بعد أفكر يعنى لما يجى الدور على مصر(معذره على النشاؤم ده بس ده اللى هيحصل لو مش دافعنا عن أرضنا اللى هى كل أرض عربيه مسلمه ) هنفضل برضه ساكتين كده وتعد نقول حسبنا الله ونعم الوكيل وبس ومش هنتحرك ونقاوم ؟؟؟ ولا هنعمل ايه بالضبط؟؟؟
إحنا لازم نوجد حل للأزمه دى ... ومش نسيب الموضوع ده للحكام والحكومات لأنهم ولا هيقدموا ولا هيأخروا
عايزه تعمل حاجه كده لما نيجى يوم القيامه وربنا يسألنا إنتوا عملتوا إيه لنصرةإخوانكم هنا وهناك وخايفه إننا مش تعرف نجاوب على ربنا!!!!
خايفه جدا من المواجهه دى مع ربنا ومع نفسى وإخواتى هنا هناك لما يقولولى انتى عملتى ايه عشان نصرتنا ؟؟؟
عيطتى وحزنتى ؟؟؟ وبعدين إيه الخطوة اللى أخدناها ضد الفساد ده كله
السلام عليكم
حبيبى منذر
كلامك صعب قوى ..الموقف اللىحكيته لا يبشر بخير
بس احنا ان شاء الله قدها وقدود ونقدر نغير ونصلح اللى الحكومات والاستعمار عملوه فينا
ونقدر نقف على رجلينا .. ونقف وقفه رجاله فى وجه اى حد
اختنا بنت القرآن
كلامك اختنا هى البداية الحقيقية والمغزى الحقيقى للتدوينة .. احنا لازم نتحرك ونقوم
نغير من نفسنا .. نقول لأ
نتكلم ومنخفش .. نقاطع ومش هنموت
ندعى ونقول يا رب
نتبرع .. ومش هنجوع
عشان نوصل للى احنا عايزينه .. عشان ترجع كرامتنا
احنا مش هنموت من الجوع والعطش .. احنا هنموت لو ماتت كرامتنا
Post a Comment