بحبك يا مصر جدا .. اصلى مليش بلد غيرك
اتولدت فيكى .. وعشت فيكى
ده حتى لما سافرت .. ابويا مقدرش يعيش بعيد عنك اكتر من سنة ونص ورجعنا عشان وحشتينا يا مصر
بس اللى بشوفه منك دلوقتى يا حبيبتى يا مصر تاعبنى جدا
ده حتى لما سافرت .. ابويا مقدرش يعيش بعيد عنك اكتر من سنة ونص ورجعنا عشان وحشتينا يا مصر
بس اللى بشوفه منك دلوقتى يا حبيبتى يا مصر تاعبنى جدا
تاعبنى حالك جدا ..تعبان ليكى وعشانك
تاعبنى واحد يتحكم فيكى بقاله 25 سنة
تاعبنى شعبك الساكت عن الظلم
تاعبنى المصلحين اللى بيتحطوا فى السجون
تابعنى المفسدين الاحرار
تاعبنى اهالى ضحايا العبارة وضحايا القطار
تاعبنى حال اسر المعتقلين
تاعبنى سكوتك عن الظلم .. وولائك لأولاد الـ ... كان
هقول ايه ولا ايه .. اللى تاعبنى كتير
بس مش هفضل كده .. مش هفضل تعبان لازم اقوم .. لازم اتغير ولازم اغير
من وانا صغير وانا بتعلم كده
علمنى ابويا ان الساكت عن الحق شيطان اخرس
وعلمنى الاخوان ان اعظم الجهاد كلمة حق عن سلطان جائر
قسما بربى لن اسكت .. سأظل اقولها حتى اموت
هذة بلدى وانا احق واحد انى اغيرها واصلحها والا يكون حبى لها هذا ملوش لزمة
هقتبس من عبد الحليم اغنيته
بحبها بحبها .. وفى قلبى ساكن حبها
يا ريت يا شوق توصلها وتقولها بحبها
كلمة اخيرة اقولها لكل واحد بيحب مصر
يا مصرى ليه ؟
دنياك لخابيط .. والغلب محيط
دنياك لخابيط .. والغلب محيط
العنكبوت .. عشش على الحيط وسرح على الغيط
يا مصرى قوم هش الوطاويط .. كفاياك تبليط
يا مصرى قوم هش الوطاويط .. كفاياك تبليط
صعبة الحياة والحل بسيط .. حبة تخطيط
13 comments:
حلوه الخاطره دي بس فعلا لازم نقوم خايف الكلام ده يبقي حماسة شباب بس ومنقدرش نعمل حاجه
لمــــــــــــــــــاذا يا مصر؟؟
احقا انتى امى ؟
احقا انتى وطنى ؟
احقا انتى التى تحمينى من كل شر ؟
انتى التى تحنى اذا الدنيا قست على
انتى الى التى ولدت فيكى
انتى التى ربيتنى وعلمتنى وكبرتينى
ابى علمنى ان اضحى من اجلك
اخرج انفاسى كلها كى تعيشى انتى
انزف كل قطرة دم حتى اراكى افضل واجمل واطهر بلد فى العالم
ابى كان من الذين يستميتون من اجلك
علمنى ان مصر تعنى الديموقراطيه
تعنى الحرية
تعنى الحب
تعنى السلام
ولدت وترعرعت ونشات وكبرت وتعلمت فيكى يا مصر
كل افكارى هى التضحيه من اجلك
كل ما اسمعه من اجل مصر من اجل وطنك من اجل امك
حتى كل تفكيرى اصبح من اجلك
قرات تاريخك
كرهت اسرائيل لانها اعتدت عليكى
كرهت كل من حاول ان يدمرك
الان
فى مصر
يعتقل الشرفاء .. تنهب الاموال ...
اهذة انتى يا مصر
?ما كان والدى يحدثنى به اهذا
فين الكلام الى والدى قالهولى ؟
ايه التناقض ده ؟؟
فين الحريه ؟
فين الديموقراطيه ؟
مش انتى امى
ازاى تعملى كده
هما دول الى بيحموكى يا مصر
امن الدوله يا مصر
هما دول
هما دول الى انا هانزف كل قطرة من دمائى عشانهم
هما دول الى هضحى بانفاسى من اجلهم
لا يا مصر
مش انتى الصورة الى كنتى فى بالى
مش انتى الى وصفهالى ابى
مش انتى الحريه
مش انتى الديموقراطيه
بس فى الاخر نتسال
هل هذا عيبك انتى
ام عيب الذين يسمون نفسهم بحماكى
لا يا مصـــــــــــــــر
انتى مظلومه مثلك مثلى
ظلموكى
شوهوكى
استغلوكى
الى متى
الى متى يا مصـــــــــر
سنظل هكذا
لا اريد الصورة الجميله الطاهرة تذهب من خيالى
تذكرنى خاطرة حضرتك بخاطرتى وانا اكتبها فى كل ضيق وتضجر من شطب الطلبه فى الاتحاد ... ولكن هذة الخاطرة بعد التعديل
بجد مصر تستاهل كل الكلام السكرة دة وربنا يخليكم ويحميكم لمصر ام الدنيا
اه و اه على زمن يعيد نفسه
اه و اه على امه تركت دينها
اه واه على شعب يأكل ...
بس بصراحة انا متفائل لان ديه اخر صفحة فى صفحات الظلم
ان نصر الله لقريب
الواحد كل ميفتكر أيام زمان .. لما كان طفل صغير .. فمكنش شايل هم وكانوا بيضحكوا علية .. دلوأتى غير زمان خالص .. الواحد نفسة فى حجات كتير ... بس مش عارف يحققها .. قرب يصاب بأحباط بسبب الناس ألى لسة نايمة لحد دلوأتى ... أمتى هيصحوا
أمتى
خاطرة جميلة يا إسلام ...
وشعور أجمل... مواطن مظلوم استطاع أن يفرق بين وطنه وبين نظام ظالم
جميله خاطرتك يا إسلام
فعلاً دى مأساه الظلم إللى بنشوفه دلوقتى
بس مش لازم نفضل كده أكيد هنقدر نغير فيها حاجه
بإدينا نقدر نغيرها ويا رب ما يكون حماس شباب بس
والدتى كانت دايماً بتقولى دوام الحال من المحال
الوضع دا أكيد هيتغير قريب أوى بالصبر والدعاء والنظام وشويه تفكير بشويه من العقل
ربنا يخليكوا لمصر يا شباب مصر ويحميكوا
خاطره جميله ما شاء الله
بس الاجمل ان احنا مش تعبانين وساكتين
لازم نقوم ونقاوم ونتكلم
كفايه سكوووووووووت يا شعب خواف
عمر ما حد هياخد حقه بسكوته
رغم كل هذه الاحداث الا انا متفاءل جدا
قال لى احد اصدقائى " ان هذه اخر صفحة من صفحت الظلم و ان فرج الله قريب جدا جدا"
ولكن لابد من العمل الجاد :
" و اعدوا لهم ما استطعتم من قوة و من رباط الخيل ترهبون به عدو الله و عدوكم "
الأولويات يا إسلام
النبى صل الله عليه وسلم بيقول : ابدأ بنفسك ثم بمن يليك ... وثق انك بعد كدة تقدر تخلى مصر زى ما انت عايز , لما كلنا نتغير الأول
وجزاك الله خيرا كلامك جميل قوى
:)
جميل كلام حضرتك عن مصر
:)
و بصراحة... النصر مش هيجي لسه للجيل ده.. لأنه فيه تهاون و كسل شديد اوى...
لما الجيل ده يقوم و يعرف يقف على رجليه.. النصر هيجي
و الحكاية دي هتحصل قريب جداا ان شاء الله:)
إن بعد الليل فجراً...
اسأل الله ان يجعلنا من هذا الجيل
:)
ِAbdo Saleh
طيب يااجماعه هنعمل اييه احنا بنكلم كويس اوى بس احنا لازم نعمل حااجه
مصر بتسلم عليك و بتقلك انك ظلمتها يوم ما زعلت منها انها محتاجاك و محتاجة كل شبابها و بناتها و انها مش هيه اللي ظالمتنا اننا احنا ظالمناها و احنا اللي سايبين الظالمين يحكموا و يتحكموا و كمان زعلانين منها مش ده ظلم
احيي حبك لمصر و كويس اني لقيت زمل
Post a Comment