ايه با بن توفيق اللى انت حاطه ده
والله ما انا يا بيه .. ده مانص اللى ادهالى
خطير ايه اللى انت بتتكلم عليه .. وانت مين عشان تبقى خطير
لأ يا جماعة .. مش انا اللى خطير
الخطير دلوقتى هو اللى بيقول كلمة لأ
الخطير دلوقتى هو اللى بيعلى صوته ويقول كفاية
الخطير دلوقتى هو اللى بيقوم وينزل يصلى الفجر
الخطير دلوقتى هو الل بيقول للناس لازم ترجعوا لربنا
الخطير دلوقتى هو اللى بيقول ان الحكومة فيها وعليها
الخطير دلوقتى هو اللى بيقول عايزين انتخابات نزيهة
الخطير دلوقتى هو اللى بيتكلم ويقول مش عايزين مبيدات مسرطنة
الخطير دلوقتى هو اللى عايش على حلم جميل لبكرة
الخطير دلوقتى هو اللى بينادى فى الناس يقولهم قوموا الى ربكم
الخطير دلوقتى اللى بيقول حرام .. الدقيق زاد سعره الضعف
الخطير دلوقتى هو اللى مش لاقى لقمة عيشة هو واولاده
الخطير دلوقتى هو اللى بيقول .. خرجوا المعتقلين السياسيين
الخطير دلوقتى هو اللى بيلبس ابيض فى المحكوم مع الجنائيين
الخطير دلوقتى هو اللى بيطلع يقرأ قرآن فى مدرجات الجامعة
الخطير دلوقتى هو اللى بتصادر امواله
الخطير دلوقتى هو اللى بيحول محاكمات عسكرية على طووول
كلكم خطر .. خطر على مين ... مش عارف
او اقولكم انا عارف .. بس بلاش اقول احسن
لحسن يقولوا عليا خطير ولا حاجة
وساعتها .. كل اللى هيردوا عليا ويكتبوا تعليق يندرجوا كمان تحت قائمة الخطريين
ربنا يستر عليا وعليكم
بس اقولكم سر بينى وبينكم .. انا نفسى ابقى خطير
.jpg)
