امريكا تسلح معاونيها واتباعها وحلفائها فى الشرق الاوسط
وطبعا ده كله بمباركة الشقيقة اسرائيل التى تقول
انها ليس لديها مانع ما دامت هى تتفوق عليهم عسكريا
اسرائيل بتمن عليكم يا عرب
وطبعا ده كله بمباركة الشقيقة اسرائيل التى تقول
انها ليس لديها مانع ما دامت هى تتفوق عليهم عسكريا
اسرائيل بتمن عليكم يا عرب
السعودية معندهاش جيش اصلا يستخدم الاسلحة الجديدة بتاعت امريكا دى
امال هى جايباها ليه ؟
تكنش عشان خاطر القواعد العسكرية الامريكية فى السعودية
راح 22 كورى افغانستان بهدف تنصير المسلمين
اتقبض عليهم من طالبان واعدم اتنين
وطالبان وافقت اهى الحمد لله للجلوس على مائدة تفاوض
بس هيتفاوضوا على ايه ؟
على فوج التنصير ولا على قوات كوريا فى افغانستان
المواطن المصرى بيموت عشان بيقول انا عايز اشرب
امال لو قال انا عايز اكل بقى .. او عايز اصيف هيتعمل فيه ايه
ولا تعليق
عالقى رفح لسة فى ازمتهم
والحكومة محدش فيها اتحرك
وكل اللى اتحركوا هما لجنة الاغاثة الانساية بتقابة الاطباء
ولجنة الاغاثة والطوارىء باتحاد اطباء العرب
ولما اتحركت الحكومة قالت انها تستعد لعبور 1000 عالق من ممر العوجة
طبعا عشان الالف دووول ينموا لـ 11 الف معتقل فى السجون الاسرائيلية
هو معبر رفح مش هيتفتح ولا ايه ؟
الاستاذ ميلاد حنا بيقول ان جمال مبارك مش هيحكم .. وان التوريث هيرفضة الشعب
وان الاخوان اقوى من الحكومة وتواجدها اكبر من تواجد الحزب الوطنى
بس تفتكروا الراجل جاب الكلام ده منين
الرئيس مبارك امر بعدم بيع البنك الاهلى وبنك مصر
مكنش الامر ده كان شمل باقى القطاع العام اللى تخصص واتباع برخص التراب
ولا انا مالى .. هى كانت بلدى
كفاية كده .. انهاردا
عشان ميحصلكوش حاجة .. وتقعوا منى
28 comments:
اخبار تعكنن فعلا بس تعليقات حلوة
ربنا ييسر الحال بقى
مش عارفين هنفضل كده لغاية امتى
عايزة بس اعلق على بتاع السعودية
اول لما سمعت انهم هيجيبوا سفن حربية
قلت يبقى احنا كدا هنمشى من البلد دى
امال بابا هيشتغل ايه ؟؟
وبعد كده اكتشفت اكتشاف خطير جدا
ان شغل بابا مش هندسة بحرية بالمعنى انهم يعملوا سفن وكدا
لالا طلع ان مفيش انشاء سفن ولا حاجة
:(:(
موضوع السلاح الي امريكا هتديه لمصر والسعودية ده يعكنن صحيح..على فكرة في مقال تحليلي عن الخبر ده في النيوزويك..ترجمته مجموعة ابناء مصر و منشور عندهم...لو حابب تقراه
وتظل
مجرد
افكار تعكنن
فعلاااااااااا
تحياتي
ماشاءالله العالم ترعرع فى زراعه وعمل الكوسة
عدنا عدنا عدنا
عدنا عدنا عدنا
عدنا عدنا عدنا
علي فكرة يا بن توفيق
تدويناتك ف الطالع
وكل مرة احلي من اللي قبلها
ومنورني دايمااااااااااااا يا غالي
وسلام الله عليك
اختنا بحب الحق
ان شاء الله ربنا ييسرها .. والحل فى ايده هو يلهمهولنا عشان نطلع من اللى احنا فيه ده
وان شا ءالله والدكم يلاقى شغل عادى فى الهندسة البحرية دى .. حتى لو معندكوش اسلحة بحرية
سكوت هنصوت
ربنا يكرمك .. هروح اقرأه دلوقتى اهوه
وتسلم على المرور والاضافه
صاحب البوابة
مرورك اسعدنى
بس احنا مش عايزينها تعكنن .. احنا عايزين بقى اخبار تفرح
سيف الله
مش الكوسة بس والله
دى الكوسة والقرع والبطيخ
وربنا يستر على الباقى
اليعقوبى
انت دايما غريب كده
فهمنى طيب انت عايز تقول ايه ؟
مصراوى اوى حبيبى
ربنا يكرمك يا حبى
وانت اللى بتنورنى بزياراتك دى
جزاك الله خيرا على فاصل النكد دة يااسلام
حسبنا الله ونعم الوكيل
Manas
الحمد لله على نعمة الصبر :)
الحمد لله على كل حال
ولكن لا نملك الا ان نقول (( حسبنا الله و نعم الوكيل )
وطبعا من رائ منكم منكرا فليغيره بيدة ... فان لم يستطع فبلسانه .. فان لم يستطع فبقلبه ..و ذلك اضعف الايمان
بصراحه انا جالى احباط الله يكرمك خلاص انت بعد الان لا تتكلم ولا تقول حاجه فاهم
احمد الجيزاوى
مانص حبيبى
اي خدمة عى النكد ده
انت تؤمر بي .. هو انا بجيب حاجة من عندى
دى بلدنا اللى عايزين نقومها
وقف لله تعالى
اه والله .. الحمد لله اننا صابرين
عشان تعرفوا انا نزلت البوست اللى فات ليه
عشان تتعظوا
سياااااااف
فعلا .. لازم احنا نتحرك بالتغيير
والتغيير من اجل الاصلاح .. مش من اجل التغيير
جيزاوى
انت جالك احباط من بوست انا نزلته
ما انت مدونتك طلها احبااااط
اشمعنى مستكتر عليا بوست احباط
حسبى الله ونعمة الوكيل
ايه يا عم
انت حمعتلنا كل النكد اللى فى البلد
حرام عليك واحنا ناقصين
طب نعلق على حاجة ولا نعلق بشطل عام ونقول
حسبنا الله ونعم الوكيل
بس عايز أقول حاجة كمان بعد اذنك::
اوعى يجيلك يوم تحس باليأس
اوعى
لأن نصر ربنا جاى لا محالة
"يريدون ليطفئوا نور الله والله متم نوره ولو كره الكافرون"
النصر جاى جاى
وان شاء الله يكون على يد هذا الجيل
فدائما أشد ساعات الليل ظلمة هى التى تسبق الفجر مباشرة)
محمد
ااه ... حسبنا الله ونعم الوكيل
بس فى نفس الوقت .. يلا نتحرك بقى
عمر البطل
كلامك جميل اوى
وده اللى انا عايزه فعلا
احنا مش هنقف جمب الاخبار دىونقول حسبى الله ونعم الوكيل
احنا عايزين نتحرك كل واحد مع نفسه
او جماعات .. ننشر ونعرف الناس
ونغير بقى
الليل ولى لن يعود وجاء دورك يا صباح
تفاءلوا بالخير تجدوه
ربك كريم اخى
ليك تاج عندى مع انك مشيت من لقاء المدون خانة بدرى بس برضه تعالى واستلمه ملحقتش اتعرف عليك للاسف بس خير تتعوض
أخبار م الآخر يعنى
بسهي اكيد الأسلحة لكده يعنى
ونصيحة ماتعلبش مع طالبان :)))
لو عاوز ياكل هياكل اكل من الى بالك فيه هههههههههه
امام الجيل
انا اللىخشرت والله لما مشيت ومش اتعرفت عليك فى اجتماع المدونة خانه
ربنا يعك يا رب يا حبى . .وهاخد التاج حاضر وهجاوب عليه
ده شرف ليا انى اخده منك انت
وحااااضر .. هنتفاءل ان شا ءالله
منذر حبيبى
حاااضر . .مش هلعب مع طالبان
ومش هلعب مع اى حد
وهسيب اللى ياكل ياكل
انا مليش دعوة
انا بتكلم وبس
عذرا للتحليق خارج السرب
من اجل رفع الظلم عن المظلومين
ادعوك للمشاركة فى حملة رفع الظلم عن طلاب الاسكندرية المختطفين
التفاصيل بمدونتى
لا حول ولا قوة إلا بالله
ماشاء الله وصلة نكد محترمه
بس لازم إن ده يدينا دفعه أمل مش يثبط مننا
ربنا يعزك
استاذ اسلام\ السلام عليكم
بجد مدونه رائعه وتدوينات اروع ربنا يباركلك ودائما في زياده . علي فكره انا بغبطك انت وكل المدونين علشان بتلاقو وقت تكتبو علي المدونات بياعتكو وانا مش لاقيه وقت خالص ونفسي اكتب حاجه جديده .نسألكم الدعاء
علي فكره التعليق اللي فوق ده بتاعي بس الحروف مظهرتش كامله
اسلام رافاعى
فعلا كلنا لازم نرفع الظلم عن اخوننا
وانا هطير على مدونتك دلوقتى .. عشان اتضامن معاكم
احختنا بنت القرآن
وصلة النكد دى فعلا مش لازم تصبتنا .. ولازم تحركنا للامام
جزاكم الله خيرا اختنا على المرور والمشاركة
اختنا اسماء
جزاكم الله خيرا على المرور
بس بجد انا مش لاقى وقت للمدونة خااالص
انا لو فاضى للمدونة كنت نزلت بوست كل يوم مثلا
انا بدخل على المدونةكل يوم 10 دقايق
بس على طووول فى ايدى ورقه وقلم وبكتب اللى يجيلى .. وبيبقى هنا على تنزيل البوست فقط
اشد لحظات الليل سوادا هي التي تسبق الفجر
والله الواحد بعد ما دخل عالم بلوجر عمال كل يوم يتعكنن أكتر وأكتر
جزاك الله كل خير أخى على العكننة دى
السلام عليكم
اليعقوبى
النصر قادم لا محاله .. ان شاء الله
وانا لفاعلون من اجله كل شىء ان شاء الله
مؤمن باشا
وعليكم السلام ورحمة الله وبركاته
يايه يا عم كمية العكننة اللى انت فيها دى
بلاش عكننه يا حبى للدرحة دى
تفاؤلوا بالخير تجدوه
وماله يا عم عالم بلوجر
وحش ولا ايه .. مش احسن من .... ولا ايه ؟
كفاية اننا اتعرفنا عليك
Post a Comment