تجربة حزب العداله والتنمية التركى
بيضرب افضل الامثال للحزب اللى بينزل وسط شعبه
وبيأخذ الحكم والوزارة باغلبية حقيقية عن طريق انتخابات نزيهة
شوفوا كده الصورة دى وتخيلوا معايا
ازاى الشعب حريص على التصويت والمشاركة السياسية برأيه فى الانتخابات
مش مهم هو بيرشح مين .. المهم انه حس انه ليه قيمه
وراح صوت فى الانتخابات
اب بيزرع فى ابنه من هو صغير .. ازاى يكون ايجابى
وازاى يكون ليك صوت انتخابى
ولازم تشارك فى صنع قرار وطنك
فوز ما يقرب من 26 سيده فى الانتخابات التركية من حزب العدالة والتنمية
خير دليل على ان الاسلام مش بيضطهد المرأة
ومش بيخليها امة وجارية وكده
بل بالعكس هو رافعها لتصل اهوه الى المراكز القيادية
الاسلام المعتدل مش ارهاب
رجب طيب اروغان مش ارهابى عشان زوجته محجبه
ومش ارهابى عشان حماس باركت نجاح حزبه
ومش ارهابى عشان المرشد بعتله برقية تهنئة
اردوغان فى ظل كل هذا النجاح مش عدو التقدم ومش عدو الاتحاد الاوروبى
لكن هو بيشوف شعبه عايز ايه .. وبيعمل المستحيل عشان خاطر شعبه
بالعكس .. اول ما اعلنت النتائج قال انه هيسعى جاهدا للانضمام للاتحاد الاوروبى
يعنى واحد عايز اصلاح .. وبيسعى اليه وبينفذه
احلى سلام لتركيا .. ولتجربتها الديموقراطية
وانتخابتها النزيهة
31 comments:
كنت لسه من يومين بتناقش مع بابا فى الموضوع ده
وضربلى نفس المثال الى حضرتك اتكلمت عنه
وقعدنا نحاول نشوف ايه الفرق بينا وبينهم
وكان رأئى ان امريكا بعد لما تخلص من ايران هتنقل على تركيا
وبابا مش وافقنى
ماشاء الله بوست جميل اوى
ووضح نقط مش كنت عارفاها فى نقاشى
جزاكم الله خيرا :):)
ودن من طين وودن من عجين
ولا حد حيسمعك او يهمه الكلام اللى انت بتقوله
لأن ببساطة هناك الحكومة هى اللى شجعت الشعب على كده
انما هنا فى مصر
لا حول ولا قوة الا بالله
السلام عليكم
مع تحفظي الشديد علي التجربة التركية
وتحفظي الاشدج علي كلام اردوغان
الا ان التجربة تستحق الدراسة ....بعنايه
فعلا الامة كلها بتحب دينها وتجربة تركيا رائدة بس يارب تكمل على خير
............................
سعيد بزيارة مدونتك اتمنى تشرفنى فى مدونتى
سلام عليكم
هحاول اعرف عن الموضوع اكتر ان شاء الله
قبل ما اكون راى عنه
لكن البوست يدعو للتفاؤل
ويدعو للبحث
:)
جزاك الله خير
اختنا بحب الحق
فعلا التجربة التركية مليئة بالحاجات الكويسة اللى لازم ان الواحد يتعلم منها
جزانا واياكم اختنا
مؤمن
احنا هنفضل نتكلم ونقول ونعرض
لغاية ما ان شاء الله نحقق التجربة دى فى مصر ان شاء الله
اختنا اروى
عندى نفس التحفظ على افكار واراء حزب العدالة والتنمية واراء وافكار اروغان
ولكن انا هنا ارصد تجربة اسلامية متميزة
فكر اسلامى متميز فى مجال سياسى
وده اللىحبيت ابرزه فى البوست ده
اسلام رفاعى
شرف ليا انك تزورنى فى مدونتى
وان شاء الله هجيلك قريب جدا ازورك هناااك
وان شاء الله التجربة تكلل بالنجاح وتستمر
اختنا امنية
منتظر انكم تعرفوا وتقرأوا عن التجربة
لاسم تعليقكم سريعا ان شاء الله
احلى سلام لتركيا .. ولتجربتها الديموقراطية
وانتخابتها النزيهة
آآآآآآه..إمتى يومك يا بلدي
جزاكم الله خيرا
وبورك في قلمكم أخي
الف مبروك اولا لحزب التنمية والعدالة
بس كان لازم حكاية 26 امراة في مناصب قيادية انا الصراحة مش شايف ليها لازمة وفي راي الكلام ده غلط تماما
المراة في الاسلام اهم شئ عندها هو بيتها مش الساحات المجالس الشعبية والمحلية
موقف السيدة اسماء عميس لما ذهبت لرسول الله (صلي الله عليه وسلم)تقول له الرجال يجاهدوا في سبيل الله وكانت نساء الصحابة يبغون نفس الاجر فقاللها صلي الله عليه وسلم:اذا صلت المراة خمسها واحصنت فرجها واطاعت زوجها دخلت من اي ابواب الجنة شائت0
مش معني كده انها تتلزق في بيتها متطلعش بحدود ومش علي حساب بيتها0
حزب التنمية والعدالة
اينعم ليه جذور اسلامية بس هو في الحقيقة بحس انه خليط مابين الاسلام والعلمانية مش تجربة اسلامية واضحة مش عارف قد تكون كل بلد ليها ظروفها وعامة خير اهم احسن مليون مرة من الاشكال التانية اللي كانوا ماسكين تركيا0
أنا رأي من رأي الأخت أروى .. بس بجد تجربة حزب العداله والتنميه من البدايه ..تستحق جدا الدراسة
اختنا بحب الحرية
جزانا واياكم .. وربنا يكرمكم يا رب
ومش هتعرض عندكم فى المدونة تانى
حبيبى عز
دى اراء يا حبى
اااااااه السيده ن اهم الاشياء فى حياتها بيتها واسرتها
ولكن لا مانع ابدا ان تكون متميزة ايضا فى المجال الدعوى او الخدمى او السياسى
استاذى شاهنشى
ربنا يكرمك يا رب على المرور والرد والتعقيب
عندى نفس التحفظ اللى عندكم وعند الاخت اروى وهوضحه لاحقا ان شاء الله
توضيح بسيط ..
انا واحد من الناس اللى بتعترض على كثيير من اراء اردوغان
وكثير من اسس وافكار حزب العدالة والتنمية
لكن انا اردت فى البوست ده حاجتين :
1 ـ انى اظهر تجربة اسلامية سياسية برزت ونجحت
بصرف النظر عن الخلل اللى ممكن يكون موجود فيها
2 ـ ابراز المعنى الحقيقى للديموقراطية والايجابية اللى شهدتها تركيا على غرار فلسطين فى انتخاباتها الاخيرة
ارصد بس الكلام الملون بلون احمر
وانت تعرف انا عايز ايه من البوست ده
اظن كده .. يكون رايى وضح للناس
انا مع التجربة الديموقراطية والصعود السياسى
اللى تمثل فى حزب العداله والتنمية التركى
بس مش مع الحزب فى كل افكاره ولا كل اراءه
آسف على أن تعليقى خارج الموضوع ، وأرجو ان تغفر لى ذلك
ولكن ما يعوض ذلك
ثقتنا الكاملة فى وطنيتكم وحرصكم على سلامة شباب الامة
ندعوكم للانضمام فى حملة افضح تجار الكيف
وهي تهدف إلى تقديم كل ما تعرفه من معلومات عن من يقومون ببيع هذه السموم سواء كانوا فى منطقة إقامتك أوعملك أودراستك أو ناديك
http://elbawaba.blogspot.com/
والتفاصيل والبانارات على هذا الرابط
وجزاكم الله كل خير
انا راى من راى اليعقوبى انا شايف ان المراة لايمنع انها تشارك فى هذا ولكن ان تكون الجهه الاساسية اى المرشحة والفائزة ده عمل عائق كبير من ناحية الشباب
يعنى بنيجى ونقول ان البنت فى الاخر مبتتجوزش ليه مهو بسبب ان البنات وخدين اماكن العمل الشباب فأكيد هيكون فى عجز من النايحى دى
انا لا اقول انها تجلس فى بيتها وتأكل اولادها والكلام ده انا بقول انها تعمل فى العمل الذى لا يستطيع الرجل ان يعمل به مثل انها تكون طبيبة امراض نسة مثلا فهذا العمل يناسب ان تكون المراة فية افضل من الرجل بمراحل
بس لو انت تقصد التجربة فى حد زاتها فده طبعا كويس جدا جدا الا ان فى بعض التقصير بس احسن من غيرهم بكتييييييييييير
وان شاء الله مدام عرفت تعدى الاقل خطأ هتعرف تعدى الباقى
انا اسف على الاطالة
فعلا تجربة تكاد تكون رائعة
لكن سرعان ما سيتم محاربتها اذا كانت فعلا تدعوا الى الاسلام بقوة
اما اذا كانت غير ذلك و لم يتم محاربتها من قبل امريكا
فعلى ما اعتقد انها ليست اسلامية بالدرجة الكافية
ارجو ان تنضم الينا في حملة ( افضحوا تجار الكيف )
التفاصيل في مدونتي
سأنتظرك
السلام عليكم ورحمة الله وبركاته
فعلا تجربه تستحق التقدير ويااااااااااااارب تتحقق فى بلدنا
بورك قلمك
شعب ايجابي وحكومة ديمقراطية
وانت حاطط صور جميلة اوي يا بن توفيق
جزاكم الله خيرا علي زيارتك لمدونتي وتمنياتك لي بالشفاء
ربنا يديم عليك نعمة الصحة
محمد حبيبى
انت متحامل قوى على شغل البنت او السيده
انا هنا برصد الفكرة وتميزها
وممكن لما نتقابل نتكلم فى حكاية الشغل بتاع البنات ده
سياف
انا بس عايز اقولك انى احبك فى الله
ااااه التجربة ممكن متكنش اسلامية خالصة
ولكن ليها طابع اسلامى
ومن واجبنا دلوقتى .. اننا نعرف هما نجحوا ازاى
ونشوف احنا ممكن نعالجها ازاى اسلاميا
وننجح زيهم
اختنا بنت القرآن
جزاكم الله خيرا
وبارك الله فيكى
حبيبى مصراوى
شفاك الله وعافاك
والف حمدا لله على السلامة يا حبى
بس انهى صورة اللى عجبتك دى
بن توفيق .. موضوع التجربة التركيه موضوع عميق أوي أوي يحتاج الي كثير من التحليل .. وفي دروس لازم الحركة الاسلاميه ككل تعرفها .. بس جزاكم الله خير على لفت النظر
مثال لشعب استيقظ على حقه
ولم يتردد فى ان يحصل عليه
ــــــــــــــــــ
ثانياًَ انا اتشرفت بمعرفتك اليوم السبت
رغم انك معرفتنيش
ومشيت بسرعة
مثال عشان تفتكرنى (( التُكتُك)) ياريات تكون افتكرتنى
يعني الواحد يبص على صورة الواد وابوه ويستغرب ازاي خده معاه الانتخابات
خده معاه وهوا مش خايف من البلطجية ليضربوه هوا وابنه واللي جابوه
فعلا أحلى سلام للتجربة النزيهة دي
لسة برده كنت بناقش والدتي في الموضوع دا.. امتى بقى نفوق من العبط اللي عندنا .. ونشوف غيرنا ونتعلم!!
جزاك الله خيرا
شاهنشى
جزانا الله واياكم .. فعلا الموضوع كبير
ومحتاج دراسة واسعة وعميقه
moslem_fm
هو ده شعب عارف هو عايز ايه
وقادر ينفذ اللى هو عايزه
انا اللى اتشرفت انى اتعرفت عليك والله
ولازم بىق كده نقعد ونتكلم ونتعرف اكتر ان شاء الله
على عمرو
اهلا بيك وشرفت المدونة
وبلطجية ايه اللى انت جاى تقول عليها هنا
هناك .. مش فيه بلطجية ..هناك فيه ديموقراطية
اختنا نور
هنفوق قريب ان شاء الله
وهنغير حالنا بادينا ان شاء الله
بس لازم نبدأ احنا نتحرك
قد تكون انتخابات نزيهه .. علي الرغم من اختلافي مع هذا الحزب
تسلم ايديك
فعلا تجربة كويسة و تستحق التقدير
لازم احنا كمان نذاكرها كويس و نشوف نقدر نستفاد منها بايه ...عمل ايه مستوى خطابهم كان ازاى حجمالدعاية و اسلوبها هل فى حاجة مبتكرة ولا لا ..هو ده الصح علشان تقدر تقول انا ايجابى انا كمان موش بنثقفلهم و خلاص و نفضل احنا يا مولاى كما خلقتنى
اول مرة اخش مدونتك عن طريق مدونة تعالو نحلم بتاعت احمد سمير...
و عجبنى اسلوبك جدا
طبعا لازم يكونوا ايجابيين ويشجعوا اولادهم وازواجهم على انهم يدلوا باصواتهم ويشاركوا فى الحياة السياسية وصنع القرار
وده كله لانهم بيلاقوا مصداقية وشفافية حقيقية مش زى اللى عندنا
واللى بيختاروه بيلاقوه
واللى بيختاروه بينفذ اللى وعد بيه
واللى بيختاروه بيمشى بكل ادب لما
مدته تخلص
يبقى مايشاركوش ليه
اختنا كيلوباترا
كلنا قد نختلف مع مبادىء الحزب
ولكن كلنا فخورين بانه الحزب الاسلامى
الانجح فى العالم كله الان
عمر افندى
شرف ليا انك تدخل مدونتى
وشرف اكتر انك تعلق فيها
وفعلا كلامك مظبوط
لازم التجربة تدرس ويعرف ايه ايجابياتها ونحاوال ننفذها ان شا ءالله
شقاوة شعب
اهلا بيك فى المدونة بتاعتك
وكلامك فعلا مظبوط
هما بيلاقوا اللى عايزينه .. عشان كده الناس بتروح وترشح وتنتخب
وان شاء الله يتحقق ده عندنا قريب
Post a Comment