اسم الموضوع ده جه فى بالى وانا راجع من التحفيظ فى المسجد
جه فى بالى لما قعدت مع اطفال صغيرة بتنادينى وتقولى يا استاذ اسلام انا عايز اسمع
جه فى بالى لما حسيت بمدى حب الاطفال دى للاسلام مع انهم مش مدركين حبهم ده
جه فى بالى لما حسيت ازاى تعلق الاطفال دى بالقرآن .. وهما فى السن دى
جه فى بالى لما اديت لطفل من الاطفال سورة عشان يحفظها والاقيه بيقولى : لأ يا استاذ ادينى سورة كمان
جه فى بالى لما قلت للاطفال دى قوموا روحوا ي .. وقولى خلينا قاعدين معاك شوية يا استاذ
جه فى بالى لما قليت طفل بيقولى يا استاذ عايزين نيجى كل يوم مش 3 ايام بس
جه فى بالى لما لقيت ان عدد الاطفال يزيد من يوم السبت لليوم الى الضعف
جه فى بالى لما الاقى الاطفال متعلقين بالاستاذة اللى بتحفظهم .. وهما لسة شايفينهم بس من يومين
جه فى بالى لما حسيت بمدى حب الاطفال دى للاسلام مع انهم مش مدركين حبهم ده
جه فى بالى لما حسيت ازاى تعلق الاطفال دى بالقرآن .. وهما فى السن دى
جه فى بالى لما اديت لطفل من الاطفال سورة عشان يحفظها والاقيه بيقولى : لأ يا استاذ ادينى سورة كمان
جه فى بالى لما قلت للاطفال دى قوموا روحوا ي .. وقولى خلينا قاعدين معاك شوية يا استاذ
جه فى بالى لما قليت طفل بيقولى يا استاذ عايزين نيجى كل يوم مش 3 ايام بس
جه فى بالى لما لقيت ان عدد الاطفال يزيد من يوم السبت لليوم الى الضعف
جه فى بالى لما الاقى الاطفال متعلقين بالاستاذة اللى بتحفظهم .. وهما لسة شايفينهم بس من يومين
تذكرت حديث النبى صلى الله عليه وسلم " تفاؤلوا بالخير تجدوه " اااه فعلا
اتفاءل بجيل مسلم يعرف تعاليم دينه ويعيش لرفعة اسلامه
اتفاءل بجيل مسلم صاعد يحمل راية الاسلام ويحرر المسجد الاقصى
اتفاءل بجيل مسلم يحب وطنه ويقدم الغالى والرخيص من اجلها
اتفاءل بجيل تربى فحسنت تربيته .. فعاش لربه ودينه ووطنه
انا انهاردا بتفاءل .. وبدعوكم للتفاؤل معى
ويلا بينا نحط ايدينا فى ايد بعض .. ونعمل عشان نطلع من بين ايدينا
بنا جديد .. وياسين جديد .. وقسام جديد .. ورنتيسى جديد
نطلع شهيد .. وعالم .. ومناضل .. وفقيه .. وعابد .. ومحب لدينه ووطنه
بنا جديد .. وياسين جديد .. وقسام جديد .. ورنتيسى جديد
نطلع شهيد .. وعالم .. ومناضل .. وفقيه .. وعابد .. ومحب لدينه ووطنه
20 comments:
ما شاء الله ..
فعلاااااا حاجه تخلينا نفرح .. هو أي نعم فيه أطفال عكس كده خاالص ..
بس سيبنا منهم دلوقتي .. ربنا يحفظ أطفال المسلمين ..
السلام عليكم ورحمة الله وبركاته
والله يا عمو اسلام موضوعك فعلا مشكلة
بيمس شباب الاخوان كلهم بما ان تلت تربعهم اليومين دول بيحفظ الاطفال سواء طلبة او اطفال القران
بجد الواحد بيحس بتفاؤل كبير قوي لما بيشوف الجيل ده وبيحس انهم فعلا دول الامل اللي هيحيي الامة دية بجد هما دول اللي هيحررو الاقصى
هما دول اللي هيعيدو للاسلام شانه
هما دول اللي هيحيو مصر من تاني
ملحوظة نسيت اكتبها انا داخل اشارك جبرا وكسرا وقهرا واجبارا.........................
بس ده قبل ما اعرف المدونة كانت بتتكلم على ايه
مش عارف اقولك ايه
بس التفاؤل ضروري اكيد
بس المشكلة دلوقتي ان الناس اختلك عليها الامر
بقي التفؤل زيادة جدا
يعني لا مبالاة
ايوه يا عم الاستاذ
محدش قدك.... لا بجد محدش قدك
على فكرة انا لسه شايف النهاردة منظر خلانى اتفائل جدا جدا جدا
كنت داخل اصلى فى المسجد لقيت الصف الاول كله شباب ما فيهوش ولا عجوز
لا و شباب ايه مش من اللى هما شيوخ و كده .. لا دول شباب عادى خاااالص
اللهم اعز الاسلام ... و استعملنا ولا تستبدلنا
ما شاء الله
ربنا يؤجرك على العمل دا
ماشاء الله جزيتم خيرا
البوست ده جابلى تفاؤل فعلا..عندى امتحان بعد ساعتين
فى كلمة بحبها اوى وكاتباها فى ورقة كبيرة اوى قدامى دايما بتقول
ابشروا بالفجر الذى سوف يأتى فى عيون القادمين
بجد انا حسيتها اوى
كنت مرة قاعدة اذاكر وخلاص مش قادرة اجمع خالص ..وعمالى اقول فى دماغى ادخلى نامى واصحى بدرى كملى
لقيت الباب اتفتح وولاد اخوتى التلاتة داخلين...اعمارهم من سنتين لتلاتة ..كلهم بيبصولى ومش قالوا حاجة ...افتكرت العبارة دى وحسيت فعلا بالأمل فى عينيهم
كانت مرة بنت اخويا قاعدة معايا ولقيتها مسكت المصحف فتحته وقعدت تسمع سورة قل هو الله احد مع انها مش كملت 3 سنين ..حسيت بامل كبير فيها باذن الله
بس حسيت اننا كل واحد فينا له دور كبير برضو
سواء ان كان بيحفظ اطفال فى المسجد او اطفال العيلة
فى حاجات لو بنيتها دلوقتى فى نفسية الطفل هتلاقى ثمارها بعد كده بجد
ومن وقتها قررت انى يكون لى دور مع ولاد اخواتى ...ومع اى حد اعرفه
وماشاء الله هتلاقى استجابهم جميلة اوى
لما تلاقيهم بيصلوا معاك ويعملوا زيك
حاجة كمان ..اوقات بفتكر ناس اكبر منى اثروا فيا بشكل سلبى
يعنى شفت تصرفات منهم خليتنى اخد صورة غلط عن حاجة معينة وانا صغيرة يعنى
اكيد مش كان قصدهم بس..يعنى وهما مضايقين او كده ... اللى اخدت بالى منه انى ممكن برضو اأثر فى حد اصغر منى بطريقة سلبية وانا مش قصدى
عشان كده قلت هاخد بالى من كل حاجة بقولها قدام الاطفال دول عشان نكون باذن الله خير قدوة
فاهمين قصدى ؟
الموضوع ده مهم اوى جزيتم خيرا اخى
الله المستعاااااااااان
وعاملة نفيها بتقرأ
مش عارف ليه البوست ده والتعليقات اللي عليه فكرتني بشعر عامي (بتشديد الميم)
لو مش هتحلم معايا ..مضطر أحلم بنفسي
لكني في الحلم حتي..عمري ماهحلم لنفسي
لو كنت راح أفتش عن منصب ولا جاه وأصاحب الحذر
أنا أبقي مااستحقش حلاوة الحياة ونعمة البشر
يا صاحبي ياصديقي ..ياللي طريقك طريقي
أنا يوم ماأعيش لنفسي..ده يوم موتي
الحقيقي
أنا حاسس بيك يا اسلام ..وأد ايه فرحك لأنك شايف حلمك في عيون الأطفال دي
والي الأمام يا روميل...قصدي ياإسلام
ومحدش يسألني مين روميل ده
فعلاً صوته رائع جداً
وشبه الشيخ مشاري راشد طبعاً
بس ربنا يبارك فيه :)
انت فكرتني بواد ابن جارتنا عنده حوالي 5سنوات واعتقد انه لما يوصل لسن عشرة سنوات هيطلبوه في محكمة العدل الدولية لارتكابه جرائم حرب ضد البشرية من الاخر كده انت عارف مستر اكس هو ده اكس الصغير0
عيل عنده 5سنين كان واحد صاحب اخوه بيحكيلي بيقولي انه دار بينهم الحوار التالي :
صاحب اخوه بيشرب سجاير ومصطفي اللي هو اكس جه يسلم عليه وبيقوله ازيك
صاحب اخوه:عامل ايه يا مصطفي
اكس :كويس
اكس:متجيب نفس من السجارة دي
صاحب اخوه:امشي اديك في وشك امشي من هنا
اكس:انا تعبان اوي هتلي نفس
صاحب اخوه بضحك:امشي يابني عشان مضربكش
اكس:دمغي خارمانة اوي انا مش قادر هاتلي نفس
(انا سمعت الكلمة دي وانكفيت علي وشي من الضحك عيل طوله لايتجاوز 75 سم بيقول الكلام ده)0
صاحب اخوه بيقولي انه مشاه بعد كده
الواد ده مجنن امه اللي هي جارتنا وعلي طول تشيتكي لامي منه
طيب اسباب بوظان الواد ايه
1-ابوه بيشرب سجاير قدامه عادي جدا
2-اخوه الكبير بيقول الالفاظ الخارجة دي قدامه0
3-امه سيباه في الشارع حوالي اخر 20ساعة في اليوم0
بس مصطفي ده لما تاخده الجامع هو اي نعم بيبوظ علي الناس صلاتها وبيجننهم بس سبحان مغير الاحوال تلاقيه ربنا هداه واتعدل بيتغير يخرج بري الجامع يتحول لمجرم حرب تاني
الجامع يااسلام فيه حاجة غريبة القلوب الثائرة تهدا فيه وينصلح حالها0
عز
في حاجة نسيتها (خير الدعوة ماكان عن قدوة)0
كن قدوة للا طفال دي هتاثر فيها اكتر من اي كلام0
عز
اول زيارة لمدونتك الجميلة المحترمة
ربنا يبارك فيك و يحميك
دعواتك
بالفعل شعور جميل جدا ما تراه يا إسلام , وفكرتني قبل التعديلات الدستورية بيوم كنت في أحد الحدائق وكنت لسا داخل الحديقة ولمحت 4 اتوبيسات بره , قعدت الف في الحديقة وكلي حزن وأسى على ماسيحدث لمصر غداً
مرة واحدى سمعت
جيل العزة والحرية قادم
فتخيلت انها شوشرة او شئ من هذا القبيل
وبعدها سمعت
نحن الذين بايعوا فقلت اكيد مش شوشرة بردو
مشيت لمصدر الصوت لقيت أكثر من 180 شبل من محافظة بحرية بيغنوا وينشدوا ويلعبوا ومعاهم المشرفين بتوعهم
بيحفظوهم الاناشيد
كملت مشي واتقلب حزني فرحا
وحسيت ان الامل والنصر جاي على هذه الأيدي البرئية الطاهرة
وبجد جزاك الله خيرا يااسلام
كلنا محتاجين دعوة للتفاؤل هذه الأيام
والله التفائل في حد ذاته محدش يقدر يعترض عليه انت عارفني كويس يا ابن توفيق يا حبي :D
دا دليل واضح وجامد أوي إن أحنا لازم نتحرك سريعاً ونحاول إعداد هذا الجيل بصورة أكبر ومنظمة أكثر عشان نستطيع أن نخرج منتج ناجح ...
ربنا يعين الجميع إن شاء الله ...
فعلا اللي انت قوليت يا اسلام ..شيئ جميل ويبعث على التفاؤل.. بس انا استشعرت بجانب التفاؤل كم هائل من المسؤلية تجاه انفسنا والاجيال السابقة ومسؤلية رهيبة تجاه الاجيال القادمة ..ربنا يوفق الجميع
بالتوفيق
والله يااخوانا فعلا الامل في الجيل اللي طالع ده لازم نربيه صح
نربيه زي محمد الفاتح لما كان استاذه دايما بيقوله النبي بيقول لتفتحن القسطنطينية فلنعم الامير اميرها ولنعم الجيش جيشها ليه متكنش انت الامير ده
ليه منربيش اطفالنا علي المفاهيم دي
بمعني
ليه متحررش انت القدس
وانت ليه متروحش علي قمة جيش رايح يفتح امريكا وهكذا يعني
مش عارف ليه ناس كتير فقدت لالمل وكل ماتكلمها في كده تقولك انتوا عايزين تطلعوا العيال ارهابيين
ياعم والله اذاكان الارهاب اني ادافع عن ديني
فانا باعلنها من هنا
ان انا واولادي
باعتبار ماسيكون ان شاء الله اعظم ارهابيين عرفهم العصر الحديث
تحياتي لكم جميعا
من هناك
من
ارض الحرب
ماشاء الله..ربنا يكرمك
ابتسامة رسمت على شفتاي ..
ان تنصروا الله ينصركم ..
هذا ما ذكرت ..
اعاننا الله ..رغم حلكة الليل ..
تحية بعبق التفاؤل ..
الواحد فعلا حس بالتفاؤل
حسام الدين
Post a Comment