اكيد نعم ربنا على الواحد كتيرة
بس الواحد فعلا للاسف مش بيحس بالنعمة دى غير لما تروح منه
بس هو ده عيب فى الانسان .. انه مش حاسس بالنعمة اللى عنده
ولا لأن النعمة دى ممكن متكنش مهمة بالنسبة له
انا ارجح الرأى الاول
بس ليه الانسان مش بيحس بالنعمة دى او باهميته
اتفتكروا عشان انشغل بنعم تانية عن النعمة دى .. ولا عشان النعمة دى فى وسط نعم كتير
انا مش عارف انا بقول ايه
بس اتمنى ان الموضوع يكون واصلكم واحساسى وشعورى يكون راحلكم
طيب هو انا بقول الكلام ده ليه
طيب هو انا بقول الكلام ده ليه
بقالنا فى البيت 4 ايام .. الكهربا شبة قاطعة على طول
لدرجة ان الراجل بتاع اعطال التليفونات حفظ اصواتنا من كتر ما بنبلغه ان النور قاطع
ابقى قاعد فى امن الله بذاكر ـ عدوها بذاكر دى ـ الاقى النور قاطع اكمل مذاكرة
يرضيكم يعنى ؟
ابقى قاعد على الكمبيوتر بحمل الحاجة .. وخلاص 90 % او اكتر والنور يقطع
ابقى قاعد على الكمبيوتر بحمل الحاجة .. وخلاص 90 % او اكتر والنور يقطع
ولما يجى احملها من الاول تانى
والله وانا بكتب البوست ده خايف يقطع عليا
والله وانا بكتب البوست ده خايف يقطع عليا
وملحقش اكمله
اكيد القعده وسط الشموع جميلة .. والجو الرومانسى ده رائع
لكن القعده من غير مروحة وتكييف لا تطاق
حسيت فعلا باهمية الكهرباء والنعمة اللى ربنا انعمها علينا بان الكهربا والنور موجودين
تفتكروا اديسون لو مكنش اخترع المصباح الكهربى .. كنا هنذاكر
طيب تفتكروا لو المروحة مكنتش موجوده .. كنا هنعمل ايه فى الحر ده
طيب تفتكروا بقى لو احنا معندناش كمبيوتر والنت شبكة غير موجوده كنا هنتواصل ازاى
طيب تفتكروا بقى لو احنا معندناش كمبيوتر والنت شبكة غير موجوده كنا هنتواصل ازاى
ااااااااه .. قليل اللى حاسس بيها ، لكن كتير قوى اللى بيحسوا بيها لو فقدوها
الحمد لله على نعمته علينا
وربنا يرزقنا الاحساس بالنعمة قبل ان تزول او تفقد مننا
اللهم آمين
12 comments:
و دى نعمة من النعم الى لا تعد و لا تحصى
و مش بنشعر بيها الا لو فقدناها
سبحان الله
خاطرة جميلة يا اسلام
:D معــاناه فعلاااااا
الحقيقة البوست بيعبر عن معاناه جامده جدا , فعلا مشكلة جامده جداااااااا .. لو تخيلنا مثلا .. اننا ممكن نستغني عن الكهربا ... طب سيبك من الكهربا
نستغني غن الغاز مثلا .. فساعتها بقا الله اعلم هنجيب حطب .. ولا فحم .. ولا هنجمع شويه ورق ونحقهم ..
ولا هنستعمل تاني الفرن الفلاحي بعد ما بقينا نستعمل الميكرو ويف
أعانك الله .. أشعر بمعاناتك
ولكن نحن أبطال هذه الأيام لا نشع بالنعمة إلا بعد فقدها
أعانك الله ووفقك
الحمد لله
جزاك الله خيرا يا ابن توفيق
:)
و الله الحمد لله نعم ربنا بتحاوطنا من كل جانب
و المشكلة فعلا ان اغلبنا فقد الاحساس بيها كنعمة
طيب بالنسبة لخواطر انقطاع الكهرباء
من كذا اسبوع كده النور كان قطع فانا قعدت على كرسى كده عندنا فى البيت شبه نائم و بفكر بقول
المصباح الكهربائى ده من اعظم الاختراعات فى تاريخ البشرية
فكنت بقول ياااااااااااه لو اديسون ده كان مسلم
:):)
يا الله على تلال الحسنات اللى كانت هتجيلوا الى يوم القيامة
(اذا مات ابن ادم انقطع عمله الا من ثلاث صدقة جارية أو علم ينتفع به أو ولد صالح يدعو له)
لو اديسون كان مسلم كانت هتنطبق عليه
"علم ينتفع به"
...
الحمد لله على نعمة الاسلام و كفى بها نعمة
:)
جزاك الله خيرا على التفكر فى نعم الله
:)
السلام عليكم
اللهم آميين ......
الحمد لله على كل شيئ :)
فعلا زي ماقلت يا سلم ان احنا من كتر نعم ربنا علينا ما بقيناش نحس بيها كان أخ بيقولنا لازم كل واحد يستشعر انه غرقان في نعم ربنا عليه وان شكر النعم ليس بالقول فقط ولكن بالعمل ايضا فلازم كل واحد مننا يشكر ربنا بأنه يعمل لله ويكون دائما صاحب همه وصاحب عزيمه في دعوته
السلام عليكم ورحمة الله وبركاته
وضع صعب فعلا وخصوصا الايام دى عشان المذاكرة
كتير اوى الانسان مش بيحس بالنعمة غير لما يتحرم منها
حسيت باهمية ونعمة حاجات كتير لما اتحرمت منها
عشان كده فى ايات كتير فى القرأن بتدعو الى التأمل
التأمل فى خلق الله .. كنعم ربنا حبانا بيها ..وتأمل فى خلق الانسان نفسه ..ودا اللى مصبرنى على الكلية ..انى بشوف معجزات بجد
انا مش مستحضرة اى أية دلوقتى
بس فى كتير ..لو طبقناها بجد هتفرق معانا
ان شاء الله كنت ناوية اول ما اخلص امتحانات اعمل موضوع عن الحكاية دى
جزاكم الله خيرا على البوست يا اخ اسلام
فى بنت بحبها اوى دايما كاتبة على الميل ..ياربى كيف احمدك وحمدى لك نعمة تستحق الحمد
اللهم سعنا نشكر نعمتك التى انعمت علينا وعلى والدينا وان نعمل صالحا ترضاه
قولوا امين
.......................
شهيدة الاقصى .درة سابقا
:)
خاطرة جميلة
:)
احنا للاسف فيه نعم كتيرة من كتر ماحنا محاطين بيها و بتجيلنا بسهولة عمرنا ما بننظر ليها انها نعمة
ف مش بنقدرها صح ولا بنشكر ربنا عليها صح
مش بنبتدي نحس بالنعم دي غير لما تروح مننا
زي الكهربا
زي المية الي في الحنفية عادي...
من رحمة ربنا بينا انه مش مانع عننا النعم دي..
بس لو في يوم المية اتقطعت ساعتين.. البيت كله بيبقى بيصرخ عشان محتاج المية دي!
جزاك الله خيرأً على تذكيرنا بالمعاني دي
:)
عسى نستفيد بيها و نشكر نعم ربنا علينا حق شكرها و نستغلها بس في الخير حتى لا تؤخذ منا و حتى لا تكون حسرة علينا يوم القيامة
ربنا يكرمك :)
رائع
من اول واهم خطوات التقرب إلى الله (إدراك النعمة )
وانك تعرف ان نعم ربنا لا تعد ولا تحصى
لازم تحمد ربنا كمان ان فى ناس معندهمش شمع اصلا فتحمد ربنا تانى
وفى ناس ربنا حرمها من البصر اصلا
مش عايز اطيل عليك
بس تحمد ربنا كمان انه يسرك انك تدرك النعمة بتاعته
دى نعمة لوحدها محروم منها ناس كتير فى هذه الأيام
جزاك الله خيرا
ابن توفيق
انت كنت معايا ولا ايه
انا بكتب التعليق ده بعد ما الكهرباء كانت قاطعة عندنا
المهم
يا كبير
لو اديسون مكانش اخترع الكهرباء .... مكناش هنذاكر حاجة اصلا
افهموها
المذاكرة دي نتيجة لهذه التطورات والاختراعات التي ما انزل الله بها من سلطان
وبعدين في نقطة يا شخص
بتقول من غير تكييف
ها
اصل انت لا تعاني من اثار الغربة الحارقة التي اعاني منها
بص
يظهر ان انا بكتب التعليق ونفسيتي مش تمام
على العموم.... الحمد لله ان الكهرباء وصلت تاني
ودلوقتي اقولك
قوم فز ذاكر
يللا .... سلالام يا صاحبي
الحمد لله الذى اعطانا نعم لا تعد ولا تحصى
Abdo Saleh
Post a Comment