مفيش اتنين هيختلفوا عن النادى الاهلى
والتاريخ الكبير بتاعه .. وانجازاته وانتصاراته للكورة المصرية والافريقية والعالمية كمان
نادى يستحق ان يكون له احتفالات اكبر من هذة بكثير
نادى له من الجمهور ما يقرب من 40 مليون مشجع
نادى يشرف الكرة المصرية والافريقية كمان
ولكن ان تكون مباراته مع برشلونة الاسبانى هى محور كلام الشعب المصرى كله بكامل اطيافه من اسبوع فااات وكأنه الحدث الوحيد والفريد فى مصر
فى نفس اليوم
شاب قال رايه بصراحة .. وفضح جريمة من جرائم الحكومة فتم اعتقاله
واليوم العرض الاول له عبد المنعم محمود .. الصحفى الشاب اللى قدوة لكثير منا بمدونته انا اخوان
شاب قال رايه بصراحة .. وفضح جريمة من جرائم الحكومة فتم اعتقاله
واليوم العرض الاول له عبد المنعم محمود .. الصحفى الشاب اللى قدوة لكثير منا بمدونته انا اخوان
فى نفس اليومجلسة الطعون المقدمة ضد المحاكمات العسكرية
هذة المحاكمات اللى مجلس الشعب خلاص شرعها .. جعل لها شرعية قانونية
فى نفس اليوم
يعلن اطباء ايمن نور ـ وصيف الرئيس فى انتخابات الرئاسة ـ انه نتيجة سوء معاملته من المتوقع وفاته فى اى وقت
فى نفس اليوم
القضاه فى معارك كلامية وضاربه مع الحكومة المصرية متمثلة فى الحزب الوطنى حول تعديل قانون السلطة القضائية
ده على المستوى المحلى فقط ده غير الاحداث القارية والاقليمية والعالمية
اختم كلامى بسؤال
هل وصل بالشعب المصرى انه يتعلق بمبارة ودية او احتفال كروى ويترك كل هذة الاحداث المحدده لمستقبله ؟
ام انه يهرب من مستقبله بمثل هذة الاحتفالات ؟
ام انه يهرب من مستقبله بمثل هذة الاحتفالات ؟
21 comments:
أهلي أهلي
أهلي إتشغلوا بالأهلي عن أهلي
حسبي الله ونعم الوكيل
اولا اختلف مع الجزء الاول
اى نادى اهلى عريق و اى انتماء ؟؟
طلع ولا نزل دا نادى كورة
عامة لا تعجب من الاهتمام و الترقب و الالاف التى ستصرف على تذاكر المباراة
ولا تعجب لتحولها لحديث الساعة
ولا تعجب لبرنامج شوبير الذى يمتد لساعات
اقرأ هذه التدوينة ولا تعجب
http://kishmalik.blogspot.com/2007/02/blog-post_22.html
فانت فى مصر
وثنية الضمير وضياع المصييييييييير
مفيش كلمة تتقال غير دى
دا حالنا بجد
الله المستعان
حسبنا الله ونعم الوكيل
لا عجب من فعل الشعب المصرى
ففى وقت إهانة رسول الله " صلى الله عليه وسلم " من قبل الدنمارك
خرجت الجموع الغفيرة لكأس العالم
ولم يخرجوا لنصرة رسولهم بالرغم من ان خروجهم هو أضعف الايمان
أهلي إتشغلوا بالأهلي عن أهلي
فعلا هذة هى الحقيقة دائما يجدون ما يشغلو الشعب بية عن الاحداث الهامة
ولكن هذا هو الشعب المصرى
يارب بقا يتغير
الشعب ده مغيب وسلبى
وده بيخلى دورنا كبير
وتاسسنا لازم يبقى قوى
الشعب عاوز يعمل دماغ
واحنا مالنا بمصر بقى
صباح الخييييييييير
ربنا يهدى
ههههه كده فضحونا الله يسامحهم
احنا عايزين موضوع بقا عن نتايج الماتش ده
طبعا بعد النتيجه المميزه
وربنا يفك اسرا الاخوان
ومنعم خد 15 تأجيل
شكرا حبيبي
السلام عليكم
ومش بس كده ده انت ابقى قاعد في البيت في حالك وتلاقي اصوات عجيبة تحت
في الشارع تعرف على طول ان في ماتش
وشايلين اعلام وحاجات غريبة كده
حسبي الله ونعم الوكيل
شعب تعبان يستاهل إللى بيجرى فيه
هما لا بيهربوا ولا حاجه.....
هما اصلا مش عارفين ايه اللى بيحصل,دول اشخاص من على المريخ او اى كوكب تانى غير كوكب الارض..
لو سألت اى حد ليه عبد المنعم محمود اتسجن هيقولك مين عبدالمنعم؟؟؟
لو سألتهم عن المعتقلين هيقولوا يعنى ايه معتقلين.؟؟؟
لو سألتهم عن التعديلات الدستوريه هيقولوا يعنى ايه دستور؟؟؟
حسبى الله ونعم الوكيل فى الاعلام و فى الثقافه..
مش عارفه اقول ايه .... مش عارفه اعلق
هما دول شباب الامه .. هما دول الى المفروض هيرفعو الامه ؟؟؟؟؟
حسبنا الله
المصيبة الكبرى بقة .. أنهم دفعوا مليون ونصف يورو علشان نلاعب برشلونة .. وفى الأخر خسيرنا .. بيفكرنى الموقف دة بواحد خد المليون ونصف يورو وراح الصحرا وحفر حفرة ورمى المليون ونصف يورو وردم عليها وسبها ومش ..
هو دة نفس الإسلوب
كانت الفلوس دى هتفتح كام بيت مسلم .. ربنا يخدهم
يا اخي لقد قتلوا روح الانتماء لكل شئ مهم
حقاً لا تتعجب فأنت في مصر
عادى جدا
ده الانتماء للوطن و للاهلى
الغرب انتصر علينا و خلانا اسوأ شعب
على فكرة ده تخطيط عالى جدا ان برشلونة يجى مصر
دى خطوة لها الف حساب و حساب
الكورة سلاح سياسى خطير جدا
و بينفذ بكل سهولةاغراض سياسية مطلوبة
يعنى مثلا تغييب العقول عن الحقائق و نشر الجهل و التفاهة و شغل الشعب بيها عشان ما يفكرش لا فى سياسة ولا فى مطالب ولا فى اى حاجة تانية مهمة
اما واحد بيعيط ويتخانق ويشتم عشان فريقه اتغلب منتظر منه ايه ؟؟؟
يا رب نفوووووق بقى كفاية علينا هيافة وسطحية لحد الان
السلام عليكم ورحمة الله
جزاك الله خيرا على نشر فكرة المدونات ومساعدة الاخرين على الاستفادة من هذة الفكرة
!!!!مفيش فايدة
نفسى الشعب المصرى يفووووووووووووق
عاوزين جردل ميه متلج يتدلق فوقينا
يمكن يفوقنا شويه
Post a Comment