امة محمد قالت انها هتقاطع الاستفتاء
قالت انها مش هتروح الاستفتاء .. انهى استفتاء ؟
الاستفتاء اللى كان على تعديل 34 مادة من مواد الدستور المصرى
بس مش اى تعديل .. ده تعديل متفصل تفصيل جامد
تعديل عشان يشيلوا اى نشاط دينى واى نشاط سياسى
تعديل عشان اقصاء القضاء من الاشراف على الانتخابات
تعديل عشان يبقى الريس كابس على مراوح الشعب لغاية ما يموت
تعديل عشان يشيلوا قانون طوارىء ـ مؤقت ـ لقانون ارهاب ـ دائم ـ
تعديل عشان يفضلوا هما موجودين .. واحنا نغور
تعديل عشان يستبدلوا قانون التفتيش بقانون التلطيش
تعديل عشان يشيلوا قانون اغتصاب الحريات بقانون وأد الحريات
هو ده التعديل اللى الناس كلها قالت انها هتقاطعه .. قال تعديل قال
طيب والناس راحت الاستفتاء ؟ الصور دى هى اللى هتحدد مش انا اللى هقولكم
خلاص يبقى التعديل كده مش هيتم .. ما هو مفيش حد راح
لأ يا ريس .. انت فى مصر بلد مشهورة بديموقراطية الحوار وديكتاتورية القرار
طلع كمان السيد وزير العدل بكلام اللى يصدقه اما يكون مجنون او مجنون
قال ان نسبة المشاركة 27 % يعنى اكبر من النسبة اللى كانت فى انتخابات الريس .. وان الموافقين على التعديل من الناس اللى جمعوهم فى اتوبيسات الحزب الوطنى وموظفى الحكومة والستات الغلابة اللى اغروهم بالـ 20 جنية تتعدى 75 % من الاصوات
مع العلم ان الاخوان والتجمع الناصرى والوفد وكل القوى السياسية قالت انها مقاطعة الاستفتاء ... ومع العلم ايضا ان الجزيرة والعربية ورويترز والسى ان ان البى بى سى .. بالاضافة الى منظمات المجتمع المدنى .. كلهم قالو ان المشاركة لم تتعدى الـ 10 % وهذا افضل المفائلين
وسلملى على النزاهة .. لازم طبعا تكون نزاهة ولازم طبعا تبقى النسبة كده
ده الريس فى الـ 3 ايام اللى فاتوا خطب 4 مرات .. مش عايزين الشعب يقول كلمته
حسبى الله ونعم الوكيل
.jpg){kind=link}
12 comments:
جزاكم الله خيرا اخي على كلماتك
لكنها والله زادت همي
اصبحت كمن يحيا رغماً عنه في دنيا ظالمة ... وصار مكتف الأيدي لا يقدر على الحركة
حسبنا الله ونعم الوكيل
رمش العين
بن توفيق
لم نقاطع .. الا لاننا نعرف هذه النتيجة
اقرا الخبر في الاهرام .. و اقراه في جريدة مصرييون بلاحدود
منتهى التناقض ..
تناقض ماعاد يحيرنا
هو برضه مفيش مبرر للمقاطعة
لازم نؤمن بما عند الله
وإنه : قُل لَّن يُصِيبَنَا إِلاَّ مَا كَتَبَ اللّهُ لَنَا هُوَ مَوْلاَنَا وَعَلَى اللّهِ فَلْيَتَوَكَّلِ الْمُؤْمِنُونَ [التوبة : 51]
انا برضه شفت حاجات كتير فى الصحف والمواقع بتقول بالتزوير
لكن لما رحت اصوت مش لقيت حاجة من كدة وكان فى ناس كتير والله العظيم
لكن برضه شفت فيدبو الله اعلم بصحته كان فيه تزوير عنى عينك
والله اعلم الحق فين
فلازم نبقى مؤمنين أن الأمة إذا اجتمعت على ان يضروك بشئ لن يضروك إلا بشئ قد كتبه الله عليك
وجزاك الله خيرا على الموضوع
حبي يا بن توفيق
انتا بتقول انتخابات الرياسة
لا انتخابات مجلس الشعب اللي كان فيها الاقبال بيحكي على بدون كلام
مجبش 27% اللي بقولو عليها في الاستفتاء
يا عمونا انتا عارفني هقول كلمة خايف تخرجني من ............وانتا فاهم وعافني
بلاش انا في الحاجات دي
فى فكر جديد
لا اجد سوى لا حول ولا قوة الا بالله
اه والله يا اسلام
كده الحكومة ركبت الشعب ودلدلت رجلها
حسبى الله ونعم الوكيل
السلام عليكم
بالفعل لا حول و لا قوة إلا بالله,
اللهم أصلح حالنا و حال أمتنا
....
ان بعد الليل فجر
جزاكم الله خيرا
يعنيي إنت هتصدق الصور وتكذب الحكومة .. ميصحش .. لو قالولك إنك صوت وإنت مصوتش قول حصل ولسه ياما هصوت
ربنا يتولانا
بس الغريبة فعلا إن الإخوان مقاطعين الإستفتاء ... على الرغم من أن النتائج في الإنتخابات الرئاسية أيضا كانت معروفة مسبقا ... ولكن هناك حسابات آخرى للإخوان .. فهم قاطعوا أول إستفتاء ثم نزلو الإنتخابات ولم يقاطعوها .. ثم قاطعوا الإستفتاء الثاني .. مع العلم أن جميع القوى والأحزاب التي تكلمت عنها بجانب الإخوان فطريقهم واحد من بداية الطريق لم يتغير على المدى البعيد أو القصير نادو بالمقاطعة وبالتغيير من بداية المعركة ما بين الحكومة والمعارضة بكافة أطيافها ..
لكن في حالة الإخوان فتارة مقاطعين وتارة مشاركين ..أين المبدأ إذا ؟؟؟
ولكنها المصالح هي التي تتحكم في الموقف
وعلى رأي المرشد " طز في مصر وعلى إللي مصر "
Post a Comment